【震驚13億人】你不知道的少林足球與AC米蘭的兩件事!


於2001年上映的少林足球,雖然已經係接近二十年前的電影,但相信到今時今日仍然係唔少周星馳影迷成日會重溫的電影。根據維基百科,少林足球至今仍保持著華人電影在意大利的最高票房記錄,亦都係歐洲重播次數最多的星爺電影。

筆者(即本球迷會主席)作為一名米蘭球迷及星爺影迷,有個習慣就係每次睇任何電視、電影等都對愛隊的出現係螢幕上特別有留意。而係少林足球電影裡面,較為熟悉劇情的朋友一定會發現有我哋愛隊AC米蘭的出現,但相信大家只會發現第一件相關米蘭嘅事,而第二件米蘭相關嘅事出現可能係電影二十年來第一次有人講…….

AC米蘭係少林足球裡面第一次出現,就係由汽車維修員帶領的業餘球隊與剛由6位師兄弟組成的少林足球隊的第一次友誼賽。

劇情去到友誼賽賽前列隊時,由係上兩幕在酒吧一棍又一棍『鐵頭功吖嗱』毆落阿星度的演員盧海鷹穿起米蘭1995/96年Opel贊助的作客球衣出現。

“你哋球隊嘅作風係業餘畀都好出名”的業餘隊
飛撞左二師兄一野
龍門前左邊比歸位的師兄弟嚇親

但當聚師兄弟歸位後,汽車維修員隊長馮勉恆指示隊員攻擊大師兄時,鏡頭上穿上米蘭球衣的演員就換左人

仲大隻左好多
之後就好快比大師兄飛哥嘅鐵頭功K.O.左
順帶一提,『鐵頭功吖嗱』的盧海鷹,現時亦有活躍於香港的影壇,包括做TVB特約,亦有參演舞台劇及其他幕後工作
『鐵頭功吖嗱』之後加入左少林足球隊

劇中的1995/96作客米蘭球衣大家留意到的話都知道係老翻,因為劇中的波衫係冇Lotto的標誌。

用老翻拍攝嚟講,事實上係非常切合當時大陸貧窮的情況, 而當中業餘隊中亦只係得一人著歐洲強隊的球衣,完全配合當時如日中天的米蘭係中國十分受歡迎,大陸的米蘭球迷就係係果時累積到今時今日。對於呢個戲服的安排,我實在很佩服少林足球的服務設計的幕後人員。

咁第二樣AC米蘭出現係咩呢?相信未必有人留意到吧……

就係少林足球隊贏咗超級盃後,臨完場上報紙前一幕

當仔細咁睇劇中報紙上嘅內容,你會睇到『AC米蘭由新教練施薩馬甸尼帶隊期只識…二不敵佩魯賈。今仗續有阿柏天尼缺X….舒夫真高近期只識入十二碼罰球…』

估計係少林足球幕後切報紙版面時,是但搵份香港報紙edit下吧。而呢個就係我好多年前重溫電影時發現米蘭與少林足球的小小第二個聯繫了,希望大家鐘意呢個小小的發現及分享啦。

就係講緊2000/01賽季輸比佩魯賈的意甲賽

Forza Milan & Forza Stephen Chow!